يا اللّي راكم تفُوتو على جُرحي فليل
ما تبكوش … الملح اللي فالدمعاتْ يعطبْني
الضحكة الصفرة نفيقلها، نعرف ريحتها
والقلب اللي نعوّل عليه يخذلْني
يا اللّي راكم تحكو بسكاتْ
بقلبي راني نسمعكُم
الدنيا رايحة دالاتْ
و المُحال اللّي كتبتو وحدو هوّ يعرفني
يا اللّي قلتو راهي طاحتْ وعياتْ
رانّي اللّي في قلبي على لسانِي
حتى دمعتي كي بكاتْ معايا بقاتْ …
والقنطة اللي فالقلب شَهقَتْ وعَلاَّتْ
كي الطير اللّي ذبحوه يرقص يشْبَهْنِي
يا اللّي سهرانين كيفي بقلبْ حزين …
الليل خلقو ربي لينا …
نسْهَر نسّرَّجْ في غيُوم الشتا
نركبها وللعالي تديني …
راهو حالف هذا الهم الكبير ما يخليني !
رحمة بن مدربل- البليدة
