نرفع راسي ونهز كتافي
تحت أجناحك يا جزائر
نوسد ترابك ونمشي حافي
أنت جنة يا جزائر
وبردك حنين وحضنك دافي
وردة بيضة وسط البحاير
فراشك أخضر وحمر متخفي
تحت أجناحك يا جزائر
نشرب الماء بالخبز الحرفي
عندك رجال وفحلات حراير
تعيشي حرة وعمرك ما تخافي
تحت أجناحك يا جزائر
حبك في قلبي وعهدي وافي
ربي يحميك من العين الغاير
والخاين يموت جافي
حالف باليمين يا جزائر
نخدمك برموشي ونكتب حروفي
نواصيك يا جزائري كونك صابر
الجزائر غالية وشعبها صافي
تحت أجناحك يا جزائر
نشعر عليك ونصفي القوافي
وإذا مت نخليلكم وصاية
أتهلاو في وطني وحافظوا على شرف
تحت أجناحك يا جزائر
نرفع راسي ونهز كتافي
الأستاذة بهية – بوفاريك
